الثلاثاء، 5 مارس 2013

حقيقه نصب مايسمى Globaladmart

قبل ان ابدأ حديثى احب اوضح شئ بسيط وهو ان طول ما الطماع موجود النصاب بخير اما الشئ الاخر حاول تدخل على الموقع


  www.globaladmart.com وشوف حايحصل ايه نصيحة! و كل واحد براحته


جلوبال اد مارت انتشرت فى الاونة الاخيرة بين الشباب العربى وخصوصا المصرى شركة ربحية تدعى ” GlobalAdMart ” وقد حدثنى بعض الاصدقاء عن امكانية استثمار اموالك فى هذة الشركة عن طريق دفع 500 دولار وشراء مساحة فى الشركة وربح 50 دولار اسبوعيا اى ما يعنى 200 دولار شهريا مقابل مشاهدة الاعلانات اسبوعيا لمدة 5 دقائق ، ويمكن الربح ايضا عن طريق دعوة اصدقائك الى الشركة وتربح من كل عضو جديد يشترك عن طريقك ، ويتم سحب اموالك عن طريق الليدر الخاص بك فى مصر .
شركة GlobalAdMart نصب

بعد البحث على الانترنت وجدت ان الشركة كان اصلها اسمها شركة لوكال اد كليك ” Local Ad Click ” وهى شركة نصابة تدفع مرة او مرتين او حتى ثلاثة وبعد ذلك تختفى تماما ولم تتمكن من الحصول على اموالك ، وقد علمت ان صاحب الشركة استرالى ومقرها فى الهند وذلك لعدم الملاحقة القانونية ، وبعد ذلك بدأت الشركة فى النصب من جديد حيث غيرت اسمها من ” لوكال اد كليك ” الى ” جلوبال اد مارت ” على اساس انها كانت محلية واصبحت الان عالمية , طبعا كلام لا يعقل ، تحذير لكل شباب مصر من هذة الشركة النصابة على الرغم من اننى اعلم ان هناك بعض الشباب سيعارضى من انه سحب امواله بسهوله ، لكن لو فكر بعض الوقت عن انك تكسب كل هذة الدولارات الهائلة مقابل مشاهدة الاعلانات اسبوعيا لمدة 5 دقائق ! ، واخيرا نصيحة لكل الشباب المصرى لا تستثمر اموالك الا فى الشركات المضمونة والمجربة من الجميع والتى ليس حولها اى شبهات حتى لا تخسر اموالك وتندم ، اللهم بلغت اللهم فاشهد .



بعدين .. فى نصباية كبيرة جداااا شغالة الايام دى بتقول: ان ممكن الشركات تصرف عليك و انت قاعد فى البيت و تديك الفلوس اللى هتشترى بيها منتجاتهم .. النصب كتير، مرة كيو نت، و مرة اوبيس .. و المرة دى جلوبال اد مارت .. بس النصباية المرة ادى اكبر من اى نصبة، و فى ناس عاملة ناصحة اوى و متخيلة انها هتكسب منها و مش عاااارفة انه ممكن فجأة الشركة تقفل على صباعها !! و تخسر فلوسها !! ... ايوة الشركة هتقفل على صباعك و انت اللى هتخسر و الشركة مش هتعيش اسبوعين تلاتة على بعض تانى ... النصباية فكاهية جدااا و لكن بيقدموا كلام مقنع ظاهريا و لكن غلط × غلط للى يدور ورا كل معلومة زى اى نصباية فى الدنيا .. و عشان حرام يضحك عليك، او حتى تورط غيرك فى نصبايه او حتى تكسب فلوس حرام و تقول "انا مالي" و تدعى البراءة و انت عارف اللى فيها .. و فجأة لما الشركة تقفل تلاقى الناس تحت بيتك عايزها فلوسك و تقولك : انزل يا نصاااااااب .. تعالالنا <<<< جو اكشن بس هيحصل والله ;) النصباية باختصااااار شديد و ايجاز .. كل نصاب كبير مشغل نصابين صغيرين تحته، و النصابين الصغيرين تحتهم نصابين كمان و هكذا شجرة كبيرة جداا .. النصاب الصغير اللى تحت النصاب الكبير .. ده مثلا بيجيب 5 اشخاص 5×3500 = 17,500 جنيه .. ياخد هو عمولته من النصباية و يحول للنصاب الكبير الباقى .. تيجى انت تطلب فلوس اعلانات، ممكن يدفعلك مرة او اتنين، يديك مثلا 300 جنيه من الـ 3500 جنيه اللى انت دفعتها .. لو طلبت كذا مرة فلوس .. يقولك: لا، لازم تشتغل و تجيب ناس و تاكل من عرق نصبك على الناس .. لكن محدش هيصرف عليك و لا يرجعلك فلوسك .. يعنى عشان تكمل معانا، لازم تنصب ... عشان تاخد فلوسك، لازم تنصب ... و لو كملت معاهم و قررت انك تنصب، بتكسب من النصب على الناس و تاخد عمولة و تحول للنصاب اللى فوقيك .. و هكذا .. الشركة بتاعتنا المرة دى اسمها GlobadAdMart او LocalAdClick او GlobadAdWorld و بتغير اسمها كل فترة .. المهم بتدفع فيها 500 او 900 او 1300 دولار .. عشان تفتح حساب و بتكسب شهريا 200 او 400 او 600 دولار شهريا على حسب ما دفعت فى الاول .. و غالبا الناس بتطمع و تدخل باكاونت تريبل بـ 1300 دولار عشان يكسب الـ 600 دولار شهريا .. و بتبدأ تشوف 60 اعلان فى الشهر. مدة كل اعلان 30 ثانية يعنى محتاج 30 دقيقة عشان تكسب اكتر من 4000 جنيه شهريا !! غير باقى افراد العيلة لو اشتركت انت و اخوك و اختك و باباك و مامتك و هكذا + كمان لو جبت ناس تحتك تاخد منها عمولات و غيرها ... احنا بنتكلم عن 12 او 16 الف جنيه على الاقل ممكن تدفعهالك شركات الاعلانات (بيبسيى و المراعى و شيبسي و HP و Dell و هيونداى و هكذا ..) عشان تشوف بس اعلاناتها .. كفاية تشوف الاعلان مش تشتري الكلام فكاااهى و كوميدى جدا ..و يثير الف سؤال و سؤال جواك .. لكن النصاب لازم يقدم مبررات قوية بدون معلومة سليمة تبدأ انه يقنعك انه ممكن تكون فى شركات اصلا تقبل تدفع الارقام دى عشان تشوف اعلاناتها و يبدأ بالكلام عن إن اعلان التليفيزيون الشركة بتدفع فيه و محدش بيشوفه و عشان كده قررتت تروح تعمل اعلانها بالشكل الساذج ده، و كمان يوريك ناس بدأت تكسب فعلا .. ! و الدليل المبدئى: ان الشركة مش فاتحة التحويل البنكى اصلا لحد دلوقت!! على الرغم ان ليها سنين على حسب كلامهم .. يعنى شركة قديمة المفروض و تكون حولت مليارات الدولارات لمصر فى السنين اللى فاتت ... للاسف فى ناس كبيرة فى الحوار دى عرفت انها نصب و بتحاول تكسب منك بعد ما بتكون اتورطت او عارف انها نصب من الاول، بس بيفترض انه انصح من الكل و هيبجيب ناس كتير و يلم فلوسه بسرعة قبل ما الشركة تقفل و متخيل الشركة هتعيش لمدة سنة مثلا و مش عارف انها ممكن تقفل و هو بيقرا البوست ده !! .. بيحاول يقنعك، عشان تشترك و يعوض خسارته و يخصم ارباحه من فلوسك من غير ما ينتظر فلوس الشركة، و فى الغالب هيعرض عليك: هات الفلوس و انا افتحلك الحساب برصيد الارباح اللى عندى .. و الناس تقولك "انا قبضت" ، "انا شوفت واحد قبض" ، و غيرها من القصص و هو ما قبضش حاجة من الشركة نفسها و لا حول فلوس للشركة نفسها و بيتعامل مع وسطااااء و شبكة كبيرة .. الفلوس اللى بتشوفها، بياخدها منك و يحطها فى جيبه و يقولك إن الشركة حقيقية .. بدليل ان انا بكسب اهو !! بياخد فلوسك يحطها فى جيبه و يعتبرها مكسب من الشركة و يجيب واحد تانى و تالت و يبعت فلوس للشركة بعد ما يخصم ارباحه .. يعنى فى ناس تجيله ياخد منها الفلوس يحطها فى جيبه و لما رصيده يخلص يبعت للاب لاينز بتاعه او للشركة الفلوس و ياخد هو العمولة .. لكن هل الشركة دفعتله !!؟ ... دى فلوسك و فلوس الناس اللى بيتنصب عليها فى الشبكة الكبيرة دى .. لكن الشركة مش بتدفعله .. بالعكس هو بيبتعلها فلوس و ناس جديدة كل شوية .. فى بعض الاحيان بتكون شغال مع اب لاينز عايز يحافظ على الشجرة بتاعته و يكمل وقت اطول فى النصباية، فياخد منك 500 دولار و بعد 5 اسابيع يسلمك اول 50 دولار .. و الاسبوع اللى بعده و هكذا .. لو انت مش هتجيب حد مش هيكمل يديك لانك كده قربت تلم فلوسك اللى دفعتها و كده النصبة تتكشف بسرعة .. هو عموما بيدفعلك من فلوسك !! و هنفهم الكلام ده اكتر فى الشرح .. ********************************** شوية ملاحظات مهمة جدااااا .. اقراها كويس و هتفهم ان مفيش شركة اصلا ... و الكلام كله موثق، اللى يقولك كلام مختلف طالبه بعكس الكلام اللى هنا ... ********************************** اقرا كلامى، كذا مرة و اديله درجة مصداقية 0% و ارجع دور فى النت و اتاكد منه .. اسئلة فى السريع ؟ :) :) :) * ازاى الشركة تدفعلى 10 دولار عشان اشوف اعلان؟ مش كتير ؟ * انا كده ممكن اكسب من بيبسيى وحدها 350 جنيه فى الشهر و انا لو هشرب بيبسي كل يوم مش هدفع 30 جنيه اخر الشهر ! و كمان مش هشرب كل يوم .. * ليه الشركة مش تدفعلى على طول؟ ليه لازم ادفع 500 دولار دمغة مثلا !؟ انا موافق اكسب 1 دولار على الاعلان و ما ادفعش حاجة. * حتى لو انا راجل على قدى خااالص و مش معايا .. هستلف الـ 500 دولار و انطلق بعدها و ابقى راجل مرتاح!! و انا بتفرج على اعلان و باخده ببلاش كمان! * ازاى كل بيت ممكن يحقق اكتر من 15 الف جنيه كل شهر يعنى 2400 دولار، الناس هتبطل تشتغل و تاخد فلوسها من الشركة و تروح تشترى بيها المنتج اللى دفعتلنا الشركة فلوسه و بزيادة كمان * ليه اصلا 10 دولار مش 100 دولار مثلا للاعلان !!؟ او حتى نص دولار .. اشمعنا 10 دولار !!؟ * لو افترضنا ان مصر فيها مليون شخص فقط اشترك، و هيشتركوا فى اقل حاجة اللى هى 200 دولار و محدش هيجيب حدا و مفيش عمولات، يبقى الشركة هتدفع 200 مليون دولار شهريا! ازااااى !!؟ ازاى تدفع 2.4 مليار دولار فى السنة !!!؟ و احنا هنموت على 4 مليار دولار من صندوق النقد لينا سنة !! * مصر كلها مش لاقية تاكل اصلا .. يعنى اتوقع اصلا 92 مليون مشترك، يعنى كده الشركة تدفع لينا 220 مليار دولار فى السنة !! و ده اكبر اصلا من الناتج المحلى الاجمالى لمصر اللى هو 215 مليار دولار !! http://ar.wikipedia.org/wiki/مصر مجرد اسئلة يفكر فيها اى عاقل !! تعالوا بقى اكلمكم فى الكلام اللى انا افهمه و غيري يفهمه من اللى شغال فى المجال ده .. 1- الكذبة مبنية فى الاساس على إن سعر الاعلان عشان تشوفه 10 دولار، طبعا مفيش شركة بأى حال ممكن تدفع لحضرتك الرقم ده عشان تشوف اعلانها ! * لو انا شركة بيبسي مثلا و قررت اعمل اعلانات على النت، هلاقى سعر الاعلان على فيس بوك، للمشاهد الحقيقى اللى هيشوف الاعلان بالكامل هو 8 سنت .. يعنى 0.08 دولار .. يعن الـ 100 شخص يساوى 8 دولار .. كمان الشركة مش بتقولك اديك فلووووس نهائى، لان لو فيها فلوس الناس كلها هتشوف اعلانات و السلام عشان تاخد فلوس، و الشركة تدفع على كل واحد 8 سنت و ده رقم كبييير جدا بالنسبة لها فى العدد الكبير. فهل منطقى الشركة تدفع اكتر من 100 ضعف تمن الاعلان على فيس بوك العالمي لشركة مجهولة تماما ! >> جرب بنفسك تشوف سعر الاعلان على فيس بوك http://www.facebook.com/ads/create و نفس السعر تقريبا على AdWords و دى تابعة لجوجل .. http://adwords.google.com/ دى مثلا صورة لحساب فى جوجل ادسنس المقابل لادوردز .. " مش بتاعتى بس مجرد مثال" عشان نفهم اكتر .. http://www.fadycoder.com/Sample_AdSense.png الاعلان ظهر: 19339 الزيارات للموقع او الخدمة اللى اعلن عنها: 520 شخص المكسب على الـ 520 = 100 دولار و 62 سنت يعنى كل شخص: 19 سنت تقريبا المثال ده لزوار اجانب مش مصريين و الشركات بتدفع عنهم مبالغ اكتر .. يعنى مفيش اعلان بـ 10 دولار! ده الويب ماركتنج اللى فى العالم كله .. بس فى مصر الناس متخيلة ان فى مليارات تايهة مع الشركات و عايزة توزعها على الناس !! 2- الشركة محدش يعرف عنها حاجة تقريبا و هتلاقى التخبط فى كلام الناس الكبيرة، اللى يقول امريكية، كندية، برطانية، هندية !! و كلام كتير. الشركة الجديدة GlobalAdMart سجلت النطاق بتاعها يوم 17/12/2012 و ممكن نتأكد من هنا http://whois.domaintools.com/globaladmart.com معلومات الشخص اللى سجل الشركة Private و مش متاحة لينا و ده مش طبيعى لأى شركة عالمية او حتى محلية طالما شغلها سليم و ممكن تعملها المواقع المعارضة عشان تخفى هويتها فقط .. * الشركة العاااالمية بتاعتنا مسجلة فى الهند!! برأس مال 6 الاف دولار و مسجلة بالاسم القديم LocalAdClick حاجة كده عاملة زى مصر لما شركات النصب تسجل او تسجيل. http://www.fadycoder.com/GlobadAdMart.png * الموقع القديم للشركة غير نشاطه نهائى و ظهر باسم جديد اسمه GlobadAdMart و مش مسجل زى الموقع الاول. * التسجل القديم فى الهند و لكن عنوان الشركة : 90 الشارع الرئيسي، جزر فيرجن البيرطانية ... بالظبط زى لندن الدور التانى * لا يوجد تليفون * لا يوجد فاكس * يوجد ايميل للشركة على شركة جديدة اسمها The Visim Group موقعها مش شغال، و اتسجل يوم 26/1/2013 thevisimgroup.com * بيقولوا ان الشركة كانت "لوكال" و غيرت اسمها لـ "جلوبال" لانها بقت عالمية .. و يقولك فى الوقت نفسه انه كان مشترك من ايام ما كانت لوكال ! اى حد يقولك المعلومة دى ... قوله "حمرا" .. سوري يعنى .. قوله و انت كنت مشترك فيها ازاى لما كانت "لوكال" ... ؟؟ و هل ممكن شركة "عالمية" زى ما بتقولوا كل شوية تغير اسمها !؟ و ايه هدف تغيير الاسم !!؟ المعلومات اللى فاتت ممكن نتأكد منها هنا http://www.globaladmart.com/contactus.html 3- زوار الموقع ده "او الشركة دى يعنى" 42% منهم من مصر، و 40% من السودان، و بعدها السعودية 9%، و الباقى دول فقيرة و من دول العالم التالت كلها و الثقافة فيها متدنيه جداا .. * يعنى مفيش دول زى كندا، امريكا، اى دولة اوروبية .. او حتى بريطانيا اللى مقر الشركة فيها .. و ممكن نتأكد من هنا Site Profile and Search Rank http://whois.domaintools.com/globaladmart.com 4- مفيش حد استلم اى مبلغ من الشركة بصورة مباشرة، و التحويل البنكى فى حد ذاته مش شغال اصلا و بيقولوا ان الشركة هتفتح التحويلات قريب عشان يهدوا الناس، و مفيش اى حد معاه صورة تحويل بنكى من الشركة .. سواء للناس الصغيرة او القديمة و اللى ليها 6 او 7 شهور زى ما بيقولوا ... حسب شروطهم اول 4 اسابيع مش ينفع تسحب فلوسك اصلا و بتتحجز كتأمين و لازم رصيدك يوصل لـ 500 دولار عشان تطلب تحويل المبلغ .. و رسوم التحويل 30% و بعدها يتخصم 50% ضرايب !! فانت محتاج 4 شهور على الاقل عشان توصل لاكتر من 500 دولار و هتقبض فى الشهر الخامس و بعد الخصم هتكتشف ان الـ 500 دولار هتاخدها 175 دولار لو طلبت تحويل بنكى ... فالافضل ليك تاخدهم كاش من فلوس الناس اللى انت بتدخلها .. و ده يفهمك ان فلوسكم منكم فيكم و مفيش فلوس بتتحول اصلا من الشركة و العكس هو الصحيح انت اللى بتحول للشركة و هى اللى بتكسب !! 5-دى اهم نقطة و هتفهم منها النصباية ماشية ازاى .. *** - الناس بيكون عندها فى رصيدها ارباح وهمية و مش حقيقية و مفيش حد استلم "ربع جنيه" من الشركة زى ما شرحنا .. و اتحدى طبعا حد يقول "ده تحويل بنكي" من الشركة .. الناس اللى بتدخلك، لازم تقولك انا كسبت و مش تفهمك بالتفصيل ابداااا و بتقولك كده عشان تطمنك و تدخلك تحتها و تلم فلوسها.. لكن لو سألت على التفاصيل هتفهم الدنيا افضل .. هو بيكون معاه رصيد على الاكاونت و معاه 10 "زباين" جايبهم تحته ، الشركة بتقوله لو عندك 1000 دولار مثلا فى رصيدك انت ممكن تطلع اكاونتات من عندك و تاخد فلوسها كاش لـشخصين × 500 = 1000 دولار و تستلمها كاش من الزبون. و فعلا هو يستلمها و يضربها فى جيبه و تتخصم من رصيده .. يعني يفتح بيها اكاونت ليك و ياخد الفلوس كاش منك و باقى الـ 8 اشخاص يحول فلوسها للشركة 500×8 = 4000 دولار كسبتها الشركة ... و 1000 دولار ضربها فى جيبه و معانا دلوقت 10 زباين اتورطوا مع الشكة ... يعنى هو كسب من فلووووسك انت .. و فلوس غيرك و باقى الناس دفعت للشركة .. الفلوس اللى قبضها منك و حطها فى جيبه .. يطلعها و يقولك "انا بكسب" ... ايوة بيكسب من النصب عليك .. هو بيعتبر الفلوس دى كسبها من الشركة و "الشركة هى اللى دفعتله" .. لكن فى الاصل هو شغال "مندوب نصب" بياخد مبلغ فى جيبه و الباقى للشركة و يقولك جزء من الحقيقة "ان بيكسب من الشركة فعلا" .. و باقى الحقيقى مخفى .. هو كسب ... ايوة،، ملاليم الشركة كسبت ... ايوة،، ملايين انت ... اتنصب عليك لان مفيش اصلا اعلانات بالارقام دى ايه الحل !؟ اشتغل انا كمان نصاب و اجيب فلوسي عن طريق اجيب ناس تحتى عشان اخد عمولات و برصيد النقط اللى عندى اطلع اكاونتات و تعمل زى اللى قبلك .. انت كسبت ... ايوة،، ملاليم الشركة كسبت .. ايوة،، ملايين الناس اللى بعدك ... ضحايا جداد ، مطلوب منهم يعملوا زيكم لكن فجاة .... هتلاقى الشركة قفلت و فكت بالفلوس كلها .. مين اللى اتنصب عليه؟؟؟ ... كلكم اتنصب عليكم !! بس هتلاقى منكم اللى قرر يشتغل لحساب الشركة عشان يعوض خسارته و منكم اللى الشركة قفلت و فلوسه راحت و ما اخدتش حاجة ... ** يبقى انا لو عايز الم فلوسي كلها .. لازم اجيب ناس تحتى، و ناس كتير و من الفلوس الكاش اللى باخدها من اللى بعدى .. انا بلم فلوسي و بحقق مكاسب فعليه (من نصباية!) .. ** طيب فى ناس فعلا قبضت بعد الاسبوع الخامس و مش جابت حد تحتها و بتكون فعلا مش فاهمة، ازااااى الناس دى كسبت ؟؟ الناس مش دى بتكون مش كسبت بمعنى كسبت فلوسها و زيادة ... لا بيكون 50 او 100 دولار فى حين انها اصلا دفعت 500 ... ازاى ؟؟؟ بعد الاسبوع الخامس بتكسب اول 50 دولا و تطلب من الاب لاينز فلوسك فيقولك ماشى، و ممكن الاسبوع اللى بعده و اللى بعده ... لكن بالكتير 3 اسابيع = 150 دولار فى حين انك دفعت 500 دولار لكن لو استمريت مش تجيب ناس، الاب لاينز بيرفض ياخد منك الرصيد و يدفعلك ماش لان كده انت قربت تلم فلوسك و مش جايب حد يعوض الفلوس بتدفعلك ! ركز و هتفهم النقطة دى ... فلوسكم منكم فيكم !! يعنى مفيش فلوس بتحولها الشركة .. الفلوس كلها انتوا اللى دافعينها .. منكم حد بيكسب شوية .. و حد بيخسر ... لكن الشركة هى اللى على طول كسبانة لحد ما تختفى خالص بالفلوس ... 6- طبعا الناس الكبيرة بس اللى فى الشركة (الشركة الوهم) هى اللى بتكسب من العمولات و الفلوس اللى داخلة من الناس الجديدة ... و بتستغل نصب الشركة فى النصب على ناس جديدة و تقولك: مش انا اللى عامل الموقع اصلا .. فهو بيكسب فعلا لان الشجرة شغالة تكبر بسرعة و محدش اخد الـ 500 دولار اللى دفعها اصلا .. و بعد ما موقع الشركة فجأة يختفى و الناس تعرف انها نصب .. اخر ناس فى الشجرة مش هتلحق حتى تقبض اسبوع واحد و الموضوع كله يقف و الناس كبيرة بس اللى معاها الفلوس هى اللى كسبت من المبالغ اللى جمعتها حتى لو حولت اجزاء منها للشركة .. 7- من الحاجات الظريفة اللى فى الشركة * تغيير اسم الموقع كل شوية * السيرفر و الموقع بيقع بالايام و يقولوا صيانة، و اعتقد دى كفاية انك تقتنع انها شركة من منازلهم * المفاجأة بقى اللى اكتشفتها، ان صاحب الموقع لسه محتفظ بالموقع القديم على الموقع الجديد، شوف من هنا http://www.globaladmart.com/new/ و ده طبعا مش شغل شركات اصلا !! دى غلطات ساذجة جدا لان اللى بيدير الموقع شخص واحد و لازم يغلط * لو حاولت تعمل اعلان هتلاقى الصفحة بايظة، جرب من هنا http://www.globaladmart.com/contactus.html * فى اخطاء كتيرة فى اللينكات اللى علي شمال الشاشة و انت داخل، و تصميم الموقع ستامبة جاهزة بما فيه السيستم بتاع الموقع بيتباع على النت كله بـ 120 دولار تعمل موقع زى ده و شغال بنفس الطريقة و تجيب اعلانات من النت و تقول معايا براندات اخر كلمتين ... **************** لو انت من بتوع "التجارة مخاطرة" .. مفيش بيزنس زيرو ريسك .. فاقولك مبروك ..انت مصري صميم، انت الشخص اللى بيدوروا عليه و 3500 جنيه بتوعك حلال على الشركة طالما انت فكرت كده .. الخلاصة ... **************** الخلاصة ان ده تسول شبكي، مش تسويق شبكى .. و مش شغال غير فى مصر و دول العالم التالت المتخلفة اللى ممكن تصدق الكلام ده ... يعنى كيو نت مثلا، مصر رقم 1 فيها !! و مع ذلك احنا قدام نصباية حقيقية ممكن تدمر اقتصاد دولة كاملة من حجم الدولارات اللى بتخرج للشركة دى او حتى غيرها ... لو انت مشترك معاهم او مع غيرهم .. فبما انك ما قبضتش حاجة من الشركة (بتحويل بنكى شوفته بعينك) اسكت شوية و انتظر لحد ما تتاكد انهم نصابين بنفسك او تقبض منهم (ابقى قابلنى!) ... لان بكلامك عن الشركة انت كده شغال مندب لشركة نصب للشركة ببلاش و بتستغل اسم الشركة عشان تلم فلوسك من الناس من النقط اللى عندك و تطلع اكاونتات لانك مش عارف تاخد فلوسك .. لو انت لسه مش مشترك، اعتقد الكلام اللى فوق يفيدك، و لو انت حابب تجرب و من بتوع "التجارة مخاطرة" فانت حر و اعتقادى انك فاهم انها نصباية بس مش شايف مشكلة فى الموضوع ده طالما بتكسب .. انصحك بقى الخطوة اللى جايةة تتاجر فى اصناف تانية زى الحشيش مثلا

إضااااااااااااااااااااافة و تعديل بتاريخ 24.02.2013

الموقع قفل (او بمعنى اصح وقع) يومين 22 و 23 و رجع تانى بس فيه مشاكل كتير .. مش عارف دى نهاية النصباية و لا فعلا بيحاولوا يكبروا نشاط الكذباية و بينقلوا على سيرفر جديد ... بس المهم الموقع اللى يقع يومين لشركة عالمية بتلعب فى مليارات يثبت الكذباية ..
عمرك سمعت عن فيس بوك وقع ساعة !! فما بالك يومين؟؟
موقع ابو الليف على رايي واحد صاحبى مش بيقع !

ياريت بلاش تعليقات خااااايبة، ياريت يعنى


** تنبيه جديد: بسبب انتشار الموضوع بطريقة جنونية و اعتراف كتير من الناس بانها نصباية فعلا، و انه مفيش شركة .. فانا شغال و معايا ناس تانية بنجهز بلاغ باسماء معينة و القايمة مفتوحة لكل الناس اتسببت فى نشر النصباية، و حسب كلامنا مع محاميين الموضوع هيبقى كبير و يبدا من جرايم النصب و الاضرار بالاقتصاد القومى و ممكن التخابر مع دولة اجنبية للاضرار بالاقتصاد للنصاب الكبير بسبب ملايين الدولارات اللى خرجت من مصر تحت النصباية دى، و هتوصل للسجن لكل واحد شارك .. هبقى اقولكم اى جديد بخصوص النقطة دى .. الاكيد هنقدم بلاغ للنيابة العامة و المخابرات العامة ..

*** بسبب ان معظم التعليقات فاكرة إن أنا فى كيو نت او اى شركة منافسة و عشان كده متضايق ..
انا بقولك كله اصلا نصب × نصب و إن كانت باقى الشركات بتبيع منتج حقيقى و الشركة بيكون ليها كيان حقيقى .. لكن فى حالتنا دى مفيش شركة اصلا بالشكل ده!
بس بردو التسوق الشبكى كله بيعتمد على "اتورط بمزاجك و ورط غيرك بعدك" .. لكن خلينا نتكلم عن الشركة دى تحديداً لانها نصباية اكبر من اى نصباية تانية



لقد حذرت من هذه النصبه وهذه هى النتيجه
http://freemasons-today.blogspot.com/2013/04/blog-post_28.htmlالقبض على صاحب شركه النصب جلوبال اد مارت


..! . .

الخميس، 29 نوفمبر 2012

عاجل وخطير ...... انقلاب . اللواء مجدى حمزه. تم تسليم شريط فيديو لاجتماع تهانى الجبالى

عاجل وخطير ...... انقلاب . اللواء مجدى حمزه. تم تسليم شريط فيديو لاجتماع تهانى الجبالى والزند وسامح عاشور وحمدين صياحى وممدوح حمزه واخريين يشقه العجوزه ومسجل بالشريط صوت وصوره . تهانى للحاضريين جلسه 2 ديسمبر تم اتقاق المحكمه الدستوريه عللى اصدار ثلاث احكام . الاول حكم بعدم دستوريه الاعلان الدستورى الصادر فى 12 اغسطس بما فيه عوده المجلس العسكرى بقياده طنطاوى وعنان . ثانيا :حل مجلس الشورى. ثالثا :حل التاسيسيه . وتم الاتفاق فى الاجتماع على حشد الشارع الجمعه الماضيه وعديد من التفاعلات. وتم تسليم الفيديو لرئاسه الجمهوريه قبل اعلان الاعلان الدستورى الاخير

الجمعة، 24 أغسطس 2012

هل كانت أم جمال عبد الناصر يهودي


ذكر بعض الكتاب وجود دلائل حول مدى نسبة عبد الناصر لليهود ؛


إذ لما بلغ من العمر ثماني سنوات أرسله والده إلى القاهرة لاستكمال دراسته ، فكان يقطن مع إحدى قريبات والدته في حي اليهود في منطقة الموسكي ( 5 شارع خميس العدسي ) . انظر : لعبة الأمم وعبدالناصر لمحمد الطويل ( ص 48) .


وذكر الدكتور علي شلش في كتابه تاريخ اليهود والماسونية في مصر ( ص 163 ) : أن سيدة يهودية تدعى مدام يعقوب فرج شمويل ، كان عبد الناصر يدين لها بالفضل ؛ لأنها هي التي رعته في طفولته وبعد وفاة أمه ، وكانت تعامله كأحد أبنائها ..

وذكر حسن التهامي : أن هذه السيدة قريبة والدته .. فإذا كانت قريبة والدته يهودية فتكون والدته كذلك ، ثم لماذا اختار أبوه سيدة يهودية لرعايته قريبة كانت أو بعيدة ؟ ولماذا حارة اليهود شبه المغلقة على اليهود وقتها ؟ وهل ضاقت القاهرة كلها إلا من حارة اليهود ؟ .. وقد استمر عبد الناصر في حارة اليهود حتى رتبة الملازم أول وعمره 24 عاماً ..



يقول اللواء محمد نجيب للواء عبدالمنعم عبدالرؤوف عام 1979م : عبدالناصر أصله يهودي من يهود الشرق الذين جاؤوا من اليمن . انظر : مذكرات عبدالمنعم عبدالرؤوف ( ص 75 ) .



ويقول جلال كشك : أعترف أن مثل هذه النصوص التي يقدمها هيكل – يقصد ما ذكره محمد حسنين هيكل في كتابه ملفات السويس – تجعل التفسير القائل بيهودية عبدالناصر يلح إلحاحاً لا يمكن مقاومته . انظر : ثورة يوليو الأمريكية ( ص 557 ) .



وحينما كان الصاغ جمال عبد الناصر رئيس أركان حرب الكتيبة السادسة مشاة ضمن القوات المحاصرة في بلدة عراق المنشية قطاع الفالوجا ، كان يتحدث عبر خطوط الجبهة مع اليهود المحاصرين للفالوجا ، وأنه كان يتلقى هدايا البرتقال والشيكولاتة من إيجال يادين الذي كان رئيساً لأركان حرب جنوب فلسطين ، وقد اعترف بذلك إيجال يادين حينما كان نائباً لرئيس وزراء اليهود على مائدة المفاوضات أثناء زيارة السادات للقدس عام 1977م .
وأثناء احتدام المعارك في حرب 1948م وقبل الاتفاق على الهدنة تمت لقاءات أولية بين إيجال آلون وضابط إسرائيلي آخر هو بروحام كوهين وبين الصاغ جمال عبد الناصر الذي كان حينذاك ضابطاً للعمليات في الكتيبة السادسة التابعة لسلاح المشاة المصري والتي كانت محاصرة في الفالوجا ، وكان عبدالناصر يتزعم في ذلك الوقت حركة الضباط الأحرار السرية ، وكان آلون قائداً للجبهة الجنوبية ، وتعددت لقاءات بروحام كوهين بجمال عبد الناصر حتى وصلت خمسة عشر لقاء ، وكان اللقاء الخامس عشر حينما جاء عبد الناصر إلى منطقة الفالوجا لتحديد موقع جثث القتلى اليهود في معارك 1948م ، وكان يرافقه في هذه المهمة حسن صبري الخولي الذي عينه فيما بعد ممثلاً شخصياً له ، وكان هذا اللقاء يجري تحت مظلة جماعة الكوكيرز الأمريكية ، ويردف صاحب كتاب لعبة الأمم وعبد الناصر إن الطريقة التي عرضت بها مبادرة السلام المصرية في القدس يرجع الفضل فيها لاتصالات جمال عبد الناصر عام 1949م هذه ، والتي أجراها تحت ظل الأعمال الإنسانية والبحث عن جثث القتلى اليهود في حرب 1948م ، أي أن البعض يرجع مبادرة السلام للسادات لخط سياسي في حياة عبد الناصر ، وقد بدأه وسعى فيه للسلام مع إسرائيل عام 1949م . انظر : لعبة الأمم وعبد الناصر ( ص 44 – 48 ) .



كما أن زملاء عبدالناصر في الكتيبة السادسة ذكروا احتمال نجاح إسرائيل في تجنيد عبدالناصر لحسابها بواسطة إيجال آلون ، وأنه كان يحمل مشاعر الحب لليهود منذ صباه ، وارتبط بصداقات مع الفتيان اليهود بالحارة رفاق عمره . انظر : جريدة الشرق الأوسط ( 13 / 6 / 1987م ) .


وكان عبد الناصر عضواً بالتنظيم الشيوعي ( حدتو ) الذي يرأسه اليهودي هنري كورييل وضمن أعضائه ماري روزنيئال ومارسيل ليون وإيلي شوارتز صهر موشيه دايان قائد جيش إسرائيل في حرب 1967م .. واستمرت صلة عبدالناصر باليهود حتى وفاته ، ولم تنقطع أبداً

الأحد، 1 يوليو 2012

اجمل تعليقات المصريين فى الفيس بوك (الجزء الثانى)ء




____________________________________________________________________________________
____________________________________________________________________________________
_____________________________________________________________________________________

___________________________________________________________________________________
____________________________________________________________________________________
_____________________________________________________________________________________
____________________________________________________________________________________
_____________________________________________________________________________________
____________________________________________________________________________________
____________________________________________________________________________________
_____________________________________________________________________________________
_____________________________________________________________________________________
____________________________________________________________________________________ _______________________________________________________________________________________
مر مجموعة من الناس بامرأه تغرق في البحر فرفض السلفى مد يده لانقاذها لأنه متوضئ وأصر الإخوانجى على إستئذان المرشد العام أولا واشترط شاب من ٦ إبريل موافقة 130ائتلاف من ائتلافات شباب الثورة على الأقل قبل انقاذها ونصحها الليبرالى أن تخلع كل هدومها عشان تبقى خفيفة وتقب علي وش الميه وطالب أحد ثوار التحرير بعمل مليونية الجمعة المقبل باسم "جمعة انقاذ الفتاه التي تغرق" فيما أكد كل من في العباسية انها لو ماتت تبقى غريقة مش شهيدة و تسألو هي إيه إلي نزلها المية أصلاً ؟؟ وأكد تامر بتاع غمرة إن سمعها بتنادي بانجلش لانجويدج عشان حد ينقذها وبكى الجنزورى وهو يعتذر لأن أبو العربى لسه مابعتش العوامة وانتفض البرادعي وأخرج الأي باد وكتب على حسابه على تويتر "كرامة المرأه فى حقها فى الحياة" وقالت نواره نجم وأسماء محفوظ أن المجلس العسكري هو من قام باغراق السيده وهو المسئول عن انقاذها وقال مرتضى منصور أنه يمتلك سي دي لهذه السيدة المنحلة وأنها على علاقة بممدوح عباس وأحمد شوبير وأكد توفيق عكاشه أن نزولها للبحر هو أحد طقوس الماسونية العالمية وطالب من زملائه البط التواجد فالعباسية للتصدي للمؤامرة المدبرة من هذه السيدة وأكد وزير الداخلية إن معندناش بحر أصلاً أما المجلس العسكرى فشكل لجنة تقصى حقائق لمعرفة الطرف الثالث إللي زقها فى الميه للأسف الشديد .. الست دي هي مصر _____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________
_____________________________________________________________________________________________________________________
_____________________________________________________________________________________________________________________ تعليقات الفيس بوك ( الجزء الاول).ء







الأربعاء، 20 يونيو 2012

تعليقات الفيس بوك ايام ثوره يناير ومرسى(الجزء الاول)ء














عبدالناصر الزعيم الملهم فى عصرة ضيع سيناء وقطاع غزة وسلم ميناء ام الرشراش لاسرائيل هدية الذي اصبح اسمه ايلات
والقوميين يطلقون عليه بطل !!

القذافي حكم اغنى دوله 40 سنه وصلها الى اجهل دوله وافقر دوله من حيث التصنيع والانتاج وضيع مواردها على عبطه
والقوميين يطلقون عليه بطل !!

الاسد أب وابن ماذا فعلا للجولان محتله ولم نسمع عن جيش سوريا الا فقط عندما يدك شعبه
والقوميين يسمونهما ابطال !!

هى ديه الابطال عند الناصريين والقوميين ولسه مصدقين ان الناصرية هى الحل
























___________________________________________________________









__________________________________________________________

_______________________________________________________

_________________________________________________________

_________________________________________________________



__________________________________________________________











________________________________________________________







_______________________________________________________




_____________________________________________________





______________________________________________________




______________________________________________________


_______________________________________________________
_____________________________________________________________________________________________________________________ تعليقات الفيس بوك ( الجزء الاول).ء







  تعليقات الفيس بوك الجزء الثانى والعشرون
تعليقات الفيس بوك الجزء الثالث والعشرين
تعليقات الفيس بوك الجزء الرابع والعشرين
تعليقات الفيس بوك الجزء الخامس والعشرين
تعليقات الفيس بوك الجزء "السادس والعشرين
تعليقات الفيس بوك الجزء السابع والعشرين
تعليقات الفيس بوك الجزء الثامن والعشرين
تعليقات الفيس بوك الجزء  التاسع والعشرين
تعليقات الفيس بوك الجزء الثلاثون
تعليقات الفيس بوك الجزء الواحد و الثلاثون
تعليقات الفيس بوك الجزء الثانى و الثلاثون
تعليقات الفيس بوك الجزء الثالث و الثلاثون
تعليقات الفيس بوك الجزء الرابع والثلاثون
تعليقات الفيس بوك الجزء الخامس و الثلاثون
تعليقات الفيس بوك الجزء السادس والثلاثون
تعليقات الفيس بوك الجزء السابع والثلاثون
تعليقات الفيس بوك الجزء الثامن والثلاثون
تعليقات الفيس بوك الجزء التاسع والثلاثون
تعليقات الفيس بوك الجزء الاربعون