الأحد، 13 نوفمبر، 2011

بالفيديو .. ضابط شرطة يضرب ألتراس زملكاوي مقبوض عليه من الخلف بعصا على رأسه دون سبب .. وزملكاوية يتوعدون

الصفحه الرئيسيه

نشر الألتراس الزملكاوى على صفحاتهم على فيسبوك فيديو يوضح اعتداء ضابط شرطة على احد أعضاء الألتراس بعد القبض عليهم داخل استاد القاهرة وكان عدد من جماهير الألتراس قد اقتحموا الإستاد لحضور المباراة بعد منعهم بسبب عقوبة موقعة على النادي للعب بدون جمهور مما دفع قوات الشرطة لاعتقال عدد كبير منهم لكن المفاجأة كانت فيما حدث بعدها .

ويكشف الفيديو مهاجمة أحد الضباط لواحد من المقبوض عليهم من الخلف أثناء سيره بين الجنود بهدوء شديد بعد إلقاء القبض عليهم .. وتكشف اللقطات المنشورة احد الضباط الموجودين يجري وراء المشجع الزملكاوي ويضربه بعصا على رأسه من الخلف ليسقط المشجع على الأرض بدون سبب واضح حيث كان المشجع مستسلم تماما للجنود ولم يبد أي مقاومة فيما يكشف الفيديو قيام ضابط آخر بضرب مشجع ثاني مقبوض عليه دون أسباب أيضا .

وأثار الفيديو غضب الألتراس الزملكاوى وتساءلوا عن سبب ضرب الضباط للمقبوض عليهم بهذه الطريقة.. واعتبر أدمن صفحة ' أونلي ون زمالك ' الذي قام بنشر الفيديو أكثر من مرة ما قام به الضابط رد على مشاركة الألتراس في جمعة الغضب 28 يناير وقال في تعليقه :'بعد الساعة السابعة مساء يوم 28 فاكرين'، ايوه ليلة الانسحاب واجهتك وجها لوجه لكن طلعت جبان وانسحبت.. واليوم جاى تنتقم بضربة في ضهرى ضربة غدر.. هقولهالك تانى وتالت مش ناسين التحرير يا وغد .. وطول ما أنت على الفساد بتحابى أكيد هيجى معاد تانى ونتقابل وجها لوجه '.

وفي تعليق أخر على الفيديو يرفض انحياز الإعلام للشرطة قال الأدمن : حنعيد نشر الفيديو تانى وتالت لان الإعلام للأسف بيتناول الموضوع من جانب واحد ، أرجوك قبل ما تعلق شوف الفيديو الأول ، بعيداً عن انك موافق على اللي حصل من الجمهور النهارده ولا لا وكمان بعيد عن انتماءك أساسا ، حكم ضميرك وشوف الفيديو هل دا تصرف أدمى ؟ مشجع حاسس بظلم من اتحاد الكره دخل يسجل موقف في دقيقه ويطلع بره تانى وفى النهاية أتقبض عليه ودا حق الأمن لكن ' سواء متفق معاه ولا لا ' هل يستحق ضربه ( الغــدر ) اللي جت على دماغه وممكن تتسبب في وفاته رغم انه كان مسلم نفسه ، حكم ضميرك واسأل نفسك هل ممكن نشوف الضربة دى على دماغ المجرمين والبلطجيه الحقيقيين وقتله الشهداء ولا الضربة دى حصرياً للمجرم البلطجى اللي بيهدد امن الوطن وبيروع المواطنين وقاتل الشهداء المشجع اللي داخل يقول زمالك ! وفى رفض صارخ لما حدث قال أحد التعليقات :'مش هتمشونا على مزاجكوا أنا لما أحب ادخل أنا ادخل زى ما أحب'،

وقال صاحب أحد التعليقات 'يا جماعة وزارة الداخلية طول عمرهم جبناء وبيتحاموا في العصى والرصاص وخلافه بس والله العظيم هم اللي بدعوا الجبن في قلبهم ومش رايح ينصلح حالهم غير بالرجوع إلى الله سبحانه وتعالى لأنهم مش بيتقوا الله في شعبهم ولا بلدهم والدليل على ذلك روحوا شوفوا كمية الرشاوى في الأقسام الآن اكتر من النظام الفاسد بقيادة الظالم الديكتاتور مبارك ربنا ينتقم منه هو وأعوانه'.

فيما نشر عدد كبير من جمهور الزمالك أغنية الألتراس ضد الضباط على صفحاتهم تعليقا على الفيديو والتي تقول كلماتها ' كان دايما فاشل ف الثانوية يدوب جاب خمسين ف الميه بالرشوة خلاص الباشا أتعلم وخد شهادة بميت كليه …. يا غراب و معشش جوا بيتنا بتدمر ليه متعة حياتنا مش هنمشي على مزاجك ارحمنا من طلة جنابك لفق لفق ف القضية هيه دب عادة الداخلية .. ممسوك مكتوبلي إرهابي دولي ماسك شمروخ وبغنى أنا مصري '

وفي تعليق ساخر على الفيديو حذر أدمن الصفحة الرسمية لبرنامج ميديا كوره على فيسبوك من خروج وزير الداخلية منصور العيسوي لينفي وجود عصي بالداخلية من الأساس.

اخبار مصر
اخبار العالم
انجازات مبارك
اخبار الفن
اخبار الرياضه
حوادث
تكنولوجيا
اسلاميات

ليست هناك تعليقات:

إرسال تعليق