الثلاثاء، 24 مايو 2011

حكايات يومية من سجن الحرامية

حكايات يومية من

من الفجركتب
احمد درويش
ابودومة حاكم طره
بعد السلام والتحية وصلتنى اخبار حلوة شقية عن رجالتنا الحرامية المشرفيين فى طرة الحرية لكن فى البداية سيبونى افضفض عامية لا تقولى فصحى ولارسمية اسمع ياخويا انت وهى
بيقولك فى يوم حلو حزين على حبايبنا المساجيين اتفقوا فيما بينهم يختاروا حكومة تمثلهم فى سجن الناس الوحشين المجرمين المنحرفيين ولكن سبحان الله بعد ماكانوا دايما صافيين شاربين سارقيين نايمين اختلفوا وقالوا ياتحدى والشاطر فينا اللى يعدى انتخابات حرة نزيهه على طريقة خالتى فكيهة واختاروا المعلم ابودومة ملك السنجة والشومة علشان يحكم بينهم وطلب منهم شوية قيام وكل واحد يقوله كلام يعرف نفسة قوام قوام ومينساش يرمى السلام
المهم بدون اطاله قام عز بكل هطاله قال هدى لكل سجين تلاتة اسمنت وخمسة حديد وهبنى ليكم سجن جديد ومعايا الكل هيبئى سعيد اية رائيك يا معلم ياشديد؟
رد نظيف ابودم خفيف وقاله اسكت ياض كفايك كدب انت كبيرك تفرق لب انا يامعلم هبئى الاب وهسلمهم لاب توب وشقة هدية فى قرية ذكية وعدة وخط و تلاتة بطارية وسمعنى مبروك يامعلم عليا ؟
بص صفوت بكل بجاحة رفع نضارتة وقال بصراحة انتوا خلاص ملكوش عازاة واخرص خالص انت ياهذا انا هظبط كل دماغ ببكته بانجو واحلى ازازاه وهنسيكم معنى الغش وهمتعكم سينما ودش""قولت اية يا ابوكرش ؟؟
ضحك جرانة وقام باستهانة وبص بقوة اسكت ياواد انت وهو انا حبيب الناس جوة هسكنهم فى جمصة وشرم وهكسيهم من فوه ومزة حلوة بلطية قولت اية يا عنييا ؟؟
وقف حبيب وقال ياحبايبى دول صحابى ونسايبى وبينى وبينهم عيش وحلاوة ودلع وزيطة واحلى شقاوة ومفيش هزار على القفا من تانى وكله هيغرق فى البقلاوة وسجن جميل بحرى طراوة " اسمع منك ياله براوة ؟
وقف سرور وبكل غرور بس خلاص كفاية لصوص انت عميل وانت جاسوس كلب السلطة وكلب فلوس سبتم ليهم فول بالسوس وجو مرشق دبان وناموس اناهوكل كل سجين لحمة وتونة وسمك سردين جاي طازة من بلطيم والحلو ليكم من عابدين مانجة وموز وسفندى وتين ولاهتفرق معانا قوانين بلا مواقفة بلا حامدين بلاشاذلى بلا سماعيين يحرق دول بنى ادميين " حلو الكلام يا سيد العاقليين ؟؟؟


وبكل خفة وبكل رشاقه وقف جمال وكله عياقه قال بس كفايكم مفيش احترام لمولاكم انت نسيتم الى بناكم انا ابويا اللى حماكم ومامتى كانت واخدكم ستارة تدارى اللى وراكم وعموما يامعلم قبل ماتقول او تتكلم
انا جمال ابن الريس لا بغنى ولا اهيس وفلوسكم عندى محفوظه فى سويسرا وديعه محجوزة عاجبك كلامى ياقلبوظة ولا لزملك قرعة بوظة ؟؟

اخرس ياحرامى انا الريس برة وجوة شكلى ههضربكم تانى وهفوقكم بالقوة " دى بينا عشرة زمنية مش ساعة ولا حتى عشية دى عيشة حلوة وهنية دى سنين طويلة معدية فيها اكله مشوية وهدمة بيضة مكوية وفلوس كتير مرميه وتعليم وجامعه وكلية وصحة متينة وقوية وجيوب دايما محشية وفاكرينلى دايما اغنية صاحب الضربة الجوية عرفتوة يا شلة حرامية وهنجح من غير تصويت ولا ابودومة ولا تنطيط
خلص الامتحان وقام ابودومة همدان قال بصراحة كدة يا عصابة انتوا عاوزيين دبابة تضربكم بهبابة ماتخلى فيكم سبابة يالا يا حبة نهابة وعموما الحكم مش ليا هيتاجل للجلسة الجاية
الى اللقاء فى الحلقة القادمة

شاهد كلمه احد شباب الثوره فى الحوار الوطنى التى قطعها التليفزيون المصرى
اموال العرب 2.1 تريليون دولار فى الخارج
تامر حسنى وراء اشاعه وفاته
اختفاء 700 مليون دولار من اموال منح التعليم 177 هبرتها سوزان و100 ذكى بدر
قناه تعلن خبر براءه مبارك وتحتفل به على الهواء
من بدايه الثوره 28 الف قتيل حتى الان
حبس شقيق الشيخ حسان 3 سنوات للتزوير
مفاجأت فى التحقيق مع هيكل عن ثروه مبارك
هل حقا باع الرئيس حافظ الاسد الجولان عام 1967 لاسرائيل.
أسماء الحكام العرب من أصل يهودي من كمال أتاتورك
هتلر يعين مناحم بيجين مشرف على معسكرات اعتقال اليهود
سماء الفنانين اللذين وقفو ضد ثورة التحرير قائمة



ليست هناك تعليقات:

إرسال تعليق