الاثنين، 18 أبريل، 2011

هى دى مصر سياحة الثورة على الفيس بوك

إحساساً منهم بالمسؤلية تجاه بلدهم, وشعورا بمرور قطاع السياحة المصري بأزمة, أخد رواد الفيس على عاتقهم تدشين العديد من "الجروبات" لتنشيط السياحة وإعادة الحياة لها, وفق مفاهيم ثورة يناير..
تحت عنوان " سياحة الثورة" دشن مجموعة من الشباب جروب, حيث أكدوا أن الهدف من الجروب هو توعية شباب مصر بالدور الذى يجب على كل المصريين أن يلعبوه فى تنشيط السياحة فى فترة الثورة و ما بعدها,  و ذلك لتسريح عدد كبير من موظفى قطاع السياحة و خروج مليون سائح من مصر, و لأن السياحة مصدر رئيسى للدخل القومى فى مصر.


"سياحة بلدنا مش هترجع غير على ايدين شبابها اللى قام بالثوره ونضف شوارعها".. عنوان جروب أخر على الفيس بوك, هدف إلي نفس الشئ, حيث كتبوا: " عاوزين ياشباب نستغل ان العالم كله عينه علينا ومتابعنا ونساعد فى رجوع السياحه تانى لينا ونفتح البيوت اللى عانت كثيرا بسبب وقف نشاط السياحه ومغادرة السياح لمصر , عاوزين كل اللى ساب مصر وقت الثوره خايف يرجع تانى ويجيب اهله واصحابه وجرانه ويشوفو احنا عملنا ايه فى بلدنا ونستغل ثورتنا دى ونعملها فيديوهات بطريقه عرض جميله تبين من اول مبدائناها وطهرنا بلدنا من المفسدين لحد مبقينا ننضف شوارع بلدنا وبنكنسها بنفسنا وندهن الارصفه"

.

 
مدينة القاهرة
مضيفيين: " عاوزين اى واحد عنده صوره جميله معبره او فيديو صوره يرفعه على الجروب واللى كويس فى لغه يبتدى يشتغل على الفيديو او الصوره دى ويشرحها ولو حتى لشخص واحد بس اجنبى يمكن يكون سبب فى رجوع ولو حتى فوج واحد".


وتحت عنوان " تيجوا نخلي مصر عاصمة سياحة العالم", كان جروب أخر , قال مؤسسوه : "تيجوا نركز في حاجه ايجابيه نعملها وهنلاقي مردودها علينا بسرعه.تيجوا نعمل شي بجد كلنا, تيجوا نحب بلدنا بشكل ايجابي,  ننسي اي شئ بنختلف عليه ونتفق علي شئ واحد يهمنا كلنا ويرجع بالخير علينا كلنا, كل بلد معروفه بميزه تخصها وحدها واحنا عندنا اهم ميزه في العالم عندنا اهم اثار العالم عندنا بحرين مش بحر واحد عندنا شمس طول السنه مش ناقصنا حاجه غير ان احنا نحب بلدنا بجد مش بالاغاني, تعالوا نبتدي النهارده قبل فوات الاوان".


 

"هي ديه مصر".. حاول من خلال هذا الجروب مؤسسوه أن يعرفوا مصر لمن لا يعرفها, قائلين: " الجروب ده لكل مصري بيحب بلده لكل مصري بيغير عليها ويحب تكون في أحسن صورة أمام العالم كله علشان كده كل واحد عنده معلومات تخص بلدنا في التاريخ ، سياسة ، علوم ، رياضة ، فنون ، سياحة ، وغيره من المجلات يعبر عنها سواء من مقال قرأه أو صوره أو فيديو أو أي شيء يظهر بلدنا الجميلة في أحسن صورة عايزين نظهر الانجازات والاشياء الجميلة اللي في بلدنا نضع أيدينا جميعاً في أيدي بعض ونعمل جميعاً في حب مصر .. ولو فيه أي سلبيات نبرزها ونعبر ونقول رأينا فيها وممكن كل واحد يقول تصوره وازاي نصحح السلبيات".


ليست هناك تعليقات:

إرسال تعليق